By Chisomo Phiri
Chipani cholamula chakale cha Democratic Progressive (DPP) chauza chipani cha Malawi Congress Party (MCP) kuti chisiye kulowelera zochitika za m’chipani cha DPP ndipo chipanichi chilimbikire kukonza mavuto ankhaninkhani omwe dziko lino likukumana nawo.
Dzulo chipani cha MCP chidatulusa chikalata chomwe chimadzudzula chipani cha DPP pochotsa ena mwa akuluakulu achipanichi.
Malingana ndi Mneneri wa DPP a Shadrick Namalomba,chipani chawo chikudziwa kuti chiganizo chomwe icho chachita chawapweteka kwambiri makosana a MCP popeza iwo ndi omwe amapereka ndalama kwa anthu omwe achotsedwa muchipanichi kuti azisokoneza.
A Namalomba ati chipani chawo kudzera mwa a Peter Mutharika azapambana m’chisankho chamu 2025 ponena kuti palibe mdziko muno munthu ndi mmodzi yemwe angavotere chipani cha MCP.
Iwo atinso ndizamanyazi kuti chipani cha MCP chikudzudzula zinthu zomwenso icho chinachita pomwe chinachotsa anthu monga a Gustav Kaliwo,a Jessie Kabwira ndi ena muchipani chawo m’mbuyomu.
Chipani cha DPP chakhala chili pa mpungwepungwe wa utsogoleri chitulukireni m’boma chaka cha 2020.
Pakadali pano a katswiri osiyanasiyana pandale mdziko muno ati kuchotsedwa kwa anthu mchipanichi kukupereka chiwopysezo ku demokalase kaamba koti anthu adziwopa kutsutsana ndi mtsogoleri.
 chauza chipani cha Malawi Congress Party (MCP) kuti chisiye kulowelera zochitika za m’chipani cha DPP ndipo chipanichi chilimbikire kukonza mavuto…){kind=link}